Makina përplas motorin në Gjirokastër, drejtuesi përfundon në spital

Një aksident është raportuar mëngjesin e sotëm në Gjirokastër ku një automjet është përplasur me një motor, ndërsa drejtuesi i këtij të fundit ka përfunduar në spital.

Sipas njoftimit, aksidenti ndodhi rreth orës 10:45, në aksin nacional Gjirokastër-Tepelenë, në afërsi të vendit të quajtur “Virua”, ku motomjeti tip “BMW”, me drejtues A. Ll., 32 vjeç, është përplasur me automjetin tip “Opel”, me drejtues B. R., 50 vjeç.

Për pasojë është dëmtuar drejtuesi i motomjetit, i cili është transportuar për në spitalin Rajonal Gjirokastër për të marrë ndihmën mjekësore. Në vendngjarje ndodhet grupi hetimor dhe po punon për zbardhjen e shkaqeve të aksidentit.