Makina përplas punonjësen e bashkisë, dërgohet urgjent në spital

Një aksident i rëndë ka ndodhur në Delvinë, ku një automjet ka përplasur  punonjësen e pastrimit të  kësaj bashkie.

Ngjarja ka ndodhur në orët e para të mëngjesit të sotëm, ndërsa  e plagosura, Shkëndije Halili  është transportuar në gjendje të rëndë në urgjencën e Sarandës.

Sipas bluzave të bardha, për shkak të gjendjes së saj kritike, e lënduara do të transportohet me helikopter të Trauma.

Ajo ka frakturë dhe  hemoragji në kokë dhe frakturë të këmbës së djathtë.

Bëhet me dije se 58-vjeçarja është goditur nga makina  sapo ka dalë nga shtëpia.