Makina përplaset me barrierat mbrojtëse, dy të lënduar në Korçë

Dy persona janë lënduar si pasojë e një aksidenti rrugor të ndodhur këtë të hënë në Korçë.

Sipas informacioneve mësohet se aksidenti ka ndodhur në aksin rrugor Korçë- Pogradec, në afërsi të fshatit Sovjan ku një mjet i tipit Golf është përplasur me barrierat anës rruges duke shkaktuar plagosjen e drejtuesit të mjetit dhe personit tjetër pasagjer në mjet.

Sipas burimeve nga spitali mësohet se të plagosurit ndodhen jashtë rrezikut për jetën.

Ndërkohë ekspertët e qarkullimit rrugor po punojnë për të zbardhur të gjithë dinamikën e këtij aksidenti me dy të plagosur.

Paraprakisht dyshohet për shpejtësi tej normave të lejuara dhe manovër të gabuar.

Njoftimi i policisë

Maliq/Informacion paraprak

Sot në aksin rrugor “Korçë-Pogradec”, pranë fshatit Symiz, Maliq, shtetasi A. C., duke drejtuar një automjet tip “Volkswagen”, dyshohet se ka humbur kontrollin mbi drejtimin e tij dhe automjeti ka dalë nga rruga.

Për pasojë është dëmtuar shtetasi G. D., pasagjer në automjet, i cili u transportua për mjekim në spitalin e Korçës.

Grupi hetimor po punon për përcaktimin e shkakut të daljes nga rruga.