Makina përplaset me motorin në Durrës, një i plagosur

Nuk ndalen aksidentet në vendin tonë. Një i tillë ka ndodhur këtë pasdite në Durrës.

Një makinë është përplasur me një motor. Si pasojë, drejtuesi i motorit është plagosur dhe është dërguar në spital për të marrë ndihmën e nevojshme mjekësore.

“Rreth orës 17:10, në lagjen nr. 14 Durrës, një automjet me drejtues shtetasin L. B., 40 vjeç, është përplasur me motomjetin me drejtues shtetasin N. K.

Si pasojë e përplasjes është dëmtuar drejtuesi i motomjetit shtetasi N. K, i cili ndodhet nën kujdesin e mjekëve.

Grupi hetimor ndodhet në vendngjarje dhe po punon për sqarimin e rrethanave të aksidentit”, njoftoi policia.