Një makinë është përplasur me pjesën e përparme të shtëpisë së kryeministrit britanik Boris Johnson. Ngjarja ndodhi ditën e djeshme, ku një “Vauxhall Astra” e zezë dëmtoi gardhin në shtëpinë që Johnson bleu në vitin 2020.
Shoferi mbeti i lënduar lehtë. Shtëpia ishte në shënjestër të demonstruesve pro-rusë javë më parë, por policia tha se ishte një aksident i momentit.
Fqinjët thanë se rruga e qetë kishte një problem me drejtuesit e mjeteve të cilët e përdornin atë si pistë garash duke ecur me shpejtësi.
Familja Johnson po i afrohet fundit të projektit të ri-dekorimit të shtëpisë, për të cilën ata morën një hipotekë blerjeje me qira në gusht 2020 me Clydesdale Ban.
Discussion about this post