Një aksident trafiku mes një veture dhe një kali ka ndodhur sot në orët e hershme të mëngjesit në Raushiq të Pejës. Lajmin ka konfirmuar zëdhënësi i policisë për rajonin e Pejës, Driton Rugova.
Lidhur me ngjarjen Rugova ka thënë se shoferi ka pësuar lëndime kurse kali ka ngordhur.
“Sot rreth orës 02:30 në fshatin Raushiq të Pejës, policia është informuar për një aksident i cili ka ndodhur mes veture dhe një kali. Deri te aksidenti ka ardhur pasi kafsha pa mbikëqyrje nga askush është goditur nga vetura, duke e kaluar rrugën. Kafsha ka ngordhur dhe vozitësi ka pësuar lëndime trupore”, tha Rugova.
Discussion about this post