Makinat “kokë më kokë” në Fier, kaos në trafik, nervozohen shoferët (VIDEO)

Një aksident ka ndodhur mëngjesin e kësaj të marte në vendin e quajtur “pranë rrapenjve” në qytetin e Fierit.

Dy automjete janë përplasur me njëri- tjetrin dhe si pasojë e goditjes kanë pësuar dëme të konsiderueshme materiale.

Drejtuesit e automjeteve nuk kanë pësuar dëmtime ndërkohe që në vendngjarje ka mbërritur menjëherë policia rrugore, teksa grupi hetimor po kryen veprimet për zbardhjen e shkaqeve të aksidentit.

Ndërkohë trafiku në këtë aks mjaft të frekuentuar është bllokuar për disa minuta, duke sjellë nervozizëm te drejtuesit e automjeteve .