Një 36-vjeçar, në Gjirokastër është shpallur në kërkim, pasi nuk iu bind patrullës së policisë, për të ndaluar mjetin me të cilin transportonte 9 emigrantë të paligjshëm nga vendet MENA.
Mësohet se më vonë, 36-vjeçari ka braktisur makinën, me të cilën transportonte klandestinët në vendin e quajtur, “Virua”.
Për pasojë policia ka sekuastruar mjetin dhe ka shpllaur në kërkim drejtuesin e makinës.
“Shërbimet e Policisë Rrugore i kanë bërë shenjë ndalimi shtetasit R. B., i cili po drejtonte automjetin tip “Mercedez Benz”, në aksin rrugor Gjirokastër-Tepelenë, në vendin e quajtur “Ura e Lumit”, por ai nuk i është bindur urdhrit të punonjësve të Policisë Rrugore për të ndaluar mjetin, të cilin e ka braktisur në vendin e quajtur “Virua”, njofton policia.
Materialet në ngarkim të shtetasit të mësipërm i kaluan Prokurorisë pranë Gjykatës së Shkallës së Parë Gjirokastër, për veprat penale “Mosbindja ndaj urdhrit të punonjësit të policisë” dhe “Dhënia ndihmë për kalim të paligjshëm të kufirit”.
Discussion about this post