Kontrollet blic në Lezhë kanë vënë në pranga një trafikant droge, ndërsa në hetim është marrë bashkëpunëtori i tij. Burime zyrtare nga policia bëjnë me dije se personat e identifikuar me iniciale A.D., 30 vjeç dhe A.M., 25 vjeç u ndaluan në Rrëshen nga efektivët e Komisariatit të Mirditës pasi ishin marrë informacione se po transportonin drogë.
Gjatë kontrollit të automjetit “Ford”, që drejtohej nga A.D. dhe në pronësi të A.M., u gjetën doza me lëndë narkotike.
Më pas, forcat e rendit të Mirditës ushtruan kontroll në banesën e 25-vjeçarit A.M. Efektivët sekuestruan një pistoletë, krehër kallashnikovi, municione luftarake të llojeve të ndryshme, sasi droge dhe peshore.
Pas verifikimeve, uniformat blu arrestuan 25-vjeçarin A.M. dhe vendosën të hetojnë në gjendje të lirë 30-vjeçarin A.D.
Prite të zbardhen detaje të reja pas marrjes në pyetje të të arrestuarëve, ndërsa dyshohet se në këtë veprimatri kriminale janë përfshirë edhe persona të tjerë.
Discussion about this post