Makthi i vajzave/ I riu sulmon me grushte këmbësoret në mes të ditës në Tiranë (Video)

Një ngjarje e përsëritur ka ndodhur ditën e sotme në rrugën e Bogdanëve në Tiranë, ku një djalë i identifikuar me emrin Denis ka sulmuar dy vajza të cilat kanë qenë duke ecur në trotuar.

Ai afrohet pranë tyre dhe fillon t’i godasë me grushte. Për fat të mirë në zonë ndodhen edhe kalimtarë të cilët ndërhyjnë për të përzënë agresorin ndërsa vajzat arrijnë t’i shpëtojnë nga duart.

Sipas Opinion.al që ka siguruar edhe videot nga një kamera sigurie në zonë, 32-vjeçari është përfshirë edhe më herë në ngjarje të tilla si dhe është denoncuar në media.

I riu dyshohet se vuan nga probleme të shëndetit mendor, por vazhdon të endet në rrugë duke u kthyer vazhdimisht në rrezik për vajzat.