Partizani ka fituar me rezultatin minimal derbin e kryeqytetit ndaj Dinamos në “Air Albania”.
Të kuqtë iu falën golit të Malës në minutën e 71-të, që vendosi edhe fatin përfundimtar të takimit. Të besuarit e Dajës shënuan sërish me Stenio Zhunior në minutën e 86-të, por goli u anulua për pozicion jashtë loje të Malës në nisje të aksionit.
Dinamo i vuri disa herë në vështirësi të kuqtë, por pa ia dalë të shënonte. Në pjesën e parë Mihana rrezikoi seriozisht portën, por ishte Teqja ai që u dërgua vendimtar.
Me këtë rezultat Partizani shkon në vendin e pestë me 18 pikë, ndërsa Dinamo mbetet po në të shtatin me 13 pikë të grumbulluara, duke mos e gjetur dot rrugën e fitores.
Discussion about this post