Ish-ministri i Financave, Arben Malaj përgënjeshtroi në “Now me Erla Mëhillin” deklaratën e Ramës se mbylli marrëveshje në Angli.
“Nuk kishte një marrëveshje dhe ajo kontratë, ne jemi penalizuar për fjalët. Pra, Partia Demokratike ishte e informuar, unë isha guvernator i Shqipërisë në Bankën Botërore, që kur isha në opozitë për shqetësimet që kishte për projektin e hekurudhës. Ne nuk kishim lidhur marrëveshje, ishte një marrëveshje në parim sepse do të bëhej skema e financimit.
Gabimi që bëri Partia Demokratike ishte që në fushatë premtoi që do ta çonte deri në Kavajë dhe ata mbanin shënime. Pas 2-3 muajsh një nga ministrat bëri një deklaratë publike dhe tha se ne nuk e vazhdojmë dot këtë projekt se ka elementë korruptivë,” – deklaroi Malaj.
Discussion about this post