Një krim brenda familjes ka ndodhur në Malin e Zi, ku një 50-vjeçar ka vrarë bashkëshorten, veten dhe ka plagosur me thikë dhe vajzën e tij 15-vjeçare,
Mediat në Malin e Zi bëjnë me dije se ngjarja ka ndodhur në Petnjicë rreth orës 23:00 të së enjtes.
“Dyshohet se shtetasi me iniciale A.SH 50 vjeç në banesën e tij, me objekt të mprehtë i ka shkaktuar lëndime trupore bashkëshortes 36-vjeçare, e cila më pas ndërroi jetë. Ai ka lënduar edhe vajzën e tij, 15 vjeçe, e cili ka dëmtime të rënda trupore”, thuhet në njoftim e policisë malazeze.
Ndër të tjera policia bën me dije se 50 vjeçari është larguar nga vendi i ngjarjes, ku më pas ka kryer edhe vetëvrasje. Trupi i pajetë i tij është gjetur nga policia rreth orës 00.30.
Ndërkohë vijon puna për zbardhjen e plotë të kësaj ngjarje të rëndë.
