Mali i Shpiragut vazhdon në flakë, pritet ndërhyrja nga ajri

Mali i Shpiragut është përfshirë nga flakët që prej natës së kaluar.

Zjarrfikësit kanë ndërhyrë për të shuar flakët, por situata duket e vështirë për shkak të terrenit malor. Si pasojë e flakëve janë djegur pisha dhe ullinj.

Për shkak të temperaturave të larta dhe erës së fortë zjarri është përhapur me shpejtësi drejt malit.

Burime nga zjarrfikësit në vendngjarje bëjnë me dije se shkak për zjarrin është bërë një shkarkesë rrufeje në zonë.

Ndërkohë në ndihmë të zjarrfikësve pritet edhe ndërhyrja nga ajri, sikurse edhe shkuarja e  zjarrfikësve të Dimalit.