Sot kanë hyrë në fuqi masat e paralajmëruara nga autoritetet malazeze, që do të kërkojnë disa masa parandaluese për personat që duan të kalojnë kufirin nga Shqipëria.
Hyrje-daljet nga pikat kufitare do të mundësohen vetën në qoftë se individi do të paraqesë dokumente që vërtetojnë kryerjen e testit PCR, ose tamponit negativ brenda 72 orëve, ose certifikatën e vaksinimit me të dyja dozat, ose testin serologjik që vërteton se ke kaluar COVID, në një afat brenda 180 ditësh.
Por, autoritetet malazeze kanë vendosur të njohin testet e lëshuara vetëm nga laboratorët e subjekteve, si më poshtë:
American Hospital, Intermedica Center, Genius Lab, German Hospital, Biocheck Diagnostic, Salus Tirana, Noval Diagnostic, Pegasus Med, Clinical Cambridge, Orion Struga.
Ky vendimi vjen nga rritja e bilancit të pandemisë së koronavirusit, që detyroi edhe Bashkimin Europian të hiqte Shqipërinë gjatë javës nga lista e vendeve të sigurta.
Prej dy ditë në pikat doganore të Shkodrës, janë krijuar problematika por edhe përplasje mes qytetarëve dhe policisë sa i takon rregullave që Mali i Zi ka vendosur.
