Mali i Zi ka refuzuar të strehojë refugjatët afganë. Kështu deklaroi Ministria e Jashtme e Malit të Zi në një deklaratë për mediat.
Sipas tyre, Mali i Zi nuk është i detyruar që të pranojë përkohësisht afganët të cilët ndihmuan forcat aleate, pasi asnjë detyrim i tillë nuk parashikohet tek kjo deklaratë.
“Mali i Zi ka mbështetur nismën, e cila bën thirrje që të gjithë ata që duan të largohen nga vendi të lejohen ta bëjnë këtë, duke përfshirë nevojën për rrugët, aeroportet dhe pikat kufitare të mbeten të hapura,” konfirmoi njoftimi për shtyp.
Disa shtete të Ballkanit perëndimor kanë premtuar se do të strehojnë përkohësisht shtetasit afganë që largohen nga Kabul ndërsa Britania e Madhe ka thënë se do të presë mbi 20 mijë.
Shqipëria pritet që të presë në vend mbi 300 afganë këto ditë, ndërsa kryeministri Edi Rama ka zbuluar për mediat spanjolle se do të vijnë reth 1 mijë këtë javë.
