Prej vitesh shkolla 9-vjeçare në fshatin Shën Gjergj nuk është vënë dorë çka ka bërë që fëmijët të detyrohet të zhvillojnë mësimin në ambiente të ftohta, me tavane që rrezikojnë të shemben e me tualete jashtë funksionit.
Për prindërit kjo situatë është bërë e lodhshme dhe kërkojnë një zgjidhje për problemin që kanë, ndërsa fëmijët tregojnë se e kanë të vështirë të zhvillojnë mësim në këto kushte.
Për nënkryetarin e Bashkisë Maliq, Eridion Rustemi kushtet e shkollës nuk janë aspak normale, por sipas tij është siguruar financimi dhe pritet të fillojë dhe ndërhyrja nga momenti në moment në këtë shkollë.
Prindërit e këtyre fëmijëve janë në pritje të një alternative nga ana e bashkisë për ecurinë e mëtejshme të procesit mësimor.
Në këtë shkollë mësojnë rreth 40 nxënës të cilët edhe këtë dimër do të duhet ta kalojnë në kushte të vështira.
Discussion about this post