Ish-deputeti Lefter Maliqi, përmes një postimi në rrjetet sociale, kërkon hetim pasuror për politikanët dhe sekuestro të pasurive nëse duam shtet ligjor.
Maliqi shkruan se kur flet për popullin, ministra e deputetë mbajnë veshët përpjetë, kur i servilosesh qeverisë duartrokasin!
Qëndrimi i ish-kandidatit për Bashkinë e Kuçovës është i njëjtë me atë që Lulzim Basha artikulon në rrjetet sociale, ndërsa kërkon vettingun për politikanët dhe hetimin e pasurive të tyre.
Postimi i Lefter Maliqit
Hetim pasuror politikanëve dhe sekuestro nëse duam shtet ligjor 💪Kur flet për popullin, Ministra e Deputetë mbajnë veshët përpjetë! Kur i servilosesh Qeverisë duartrokasin!
Mjerë populli për atë Parlament dhe ata Ministra! Vjedhje, abuzime, korrupsion, aktrime, mashtrime dhe votime kundër interesave të vendit.
Dyfishuan rrogat e Deputetëve dhe Ministrave, se nuk ju dalin miliardat!! Pse nuk bëjnë Vetingun e politikanëve?
Pse nuk bëjnë hetim pasuror të Deputetëve, ish-Deputetëve, Ministrave, ish-Ministrave, Drejtorëve, Kryeministrit, Presidentit, Kryetarëve të Bashkive dhe ish-Kryetarëve të Bashkive apo të ish-Komunave, duke filluar nga vet unë!
Kam qenë dhe mbetem i hapur! Na mbytën hajdutët, të paaftët, servilët dhe të korruptuarit! Po nuk i ndëshkojë Drejtësia do i ndëshkojë haka e popullit dhe Zoti! 🙏
Discussion about this post