Ish-deputeti Lefter Maliqi, ka deklaruar se ish-kryebashkiaku Vangjush Dako është dërguar sërish në burgun e Durrësit për të bindur Erjon Veliajn që të pranojë shkarkimin si kryebashkiak i Tiranës. Maliqi tha se kreu i qeverisë i ka çuar në burg Veliajt edhe të fortë të tjerë.
“E shkarkoi Tushen se ra dakord me shkarkimin dhe nuk bëri ankimin. Kurse Rama i çoi doktor Dakon i mati tensionin i dha dhe kokrrën e ilaçit që të pranonte shkarkimin gjë që u refuzua. Veliaj bëri mirë që ka refuzuar. Derisa gjykatat e çuan sërish Dakon 5-6 ditë në burgun e Durrësit. I ka çuar edhe të fortë të tjerë, por nuk ka arritur të pranonte shkarkimin se nuk i besonte Ramës; Haberi ka qenë; prano shkarkimin se nesër do dalësh nga burgu, por duke ditur pabesinë, pavarësisht se nuk flet. E çoi për t’i mbushur mendjen, i mati dhe tensionin. Kishte luhatje të tensionit”, tha Maliqi.
Sipas tij, shkarkimi i Veliajt është një lojë politike e Ramës në një kohë kur opozita e ka akuzuar Veliajn për inceneratorët e 5D. Maliqi thekson se Gjykata Kushtetuese do ta pezullojë pasi nuk ka shkak ligjor për shkarkimin e tij.
“Është një lojë politike, opozita e ka akuzuar për inceneratorët e 5D. Ai u arrestua për rrobat e brendshme. Gjykata Kushtetuese do ta pezullojë se nuk ka shkak ligjor për shkarkimin e tij. Rama të gjitha këto i bën për të mbuluar skandalet e përgjimet që po i dalin nga ndërkombëtarët se pritet dhe raporti i OSBE ODIHR për masakrën elektorale”.
Discussion about this post