Jamarbër Malltezi, i cili po hetohet nga SPAK për korrupsion dhe pastrim parash, lidhur me atë që njihet si privatizimi i ish-kompleksit Partizani, ka reaguar përmes rrjeteve sociale, duke publikuar një dokument të vitit 2006, që mban firmën e Edi Ramës, kryebashkiakut të Tiranës në atë kohë, lidhur me ndryshimin e terreneve sportive në zona banimi.
Malltezi shkruan se Rama ka ndryshuar 10 zona nga sportive në banimi brenda një viti.
Ndërkohë që e konsideron një lojë politike të prokurorëve të SPAK hetimin ndaj tij, Malltezi shkruan se prokurorët politikë kanë frikë nga pyetjet dhe përgjigjet ndaj dhe nuk japin konferenca për mediat.
Postimi nga Malltezi
Dëshira për konferencë shtypi në skype duket se nuk është e mundur tani. Prokurorët politike kanë frike nga pyetjet dhe përgjigjet.
Gjithsesi, materialin shterues me sqarimet (i) pse kjo ishte cështje e stisur politike dhe nuk ka fare cështje penale,
(ii) gënjeshtrat me planin e përhapjes,
(iii) nderrimin e destinacionit nga Edi Rama,
(iv) rrëzimin e insinuatave palidhje me Berishën,
(v) si do ishte nese do kishim përdorur pushtetin sic e përdor Edi Rama për VKM dhe ligje me emra personalë si për Carlo Bolinon, prokurorin Hajdari, etj.,
(vi) prona tek i zoti ndërsa privatizimi si gjobëvënie ndaj pronarëve fisnikë,
(vii) fshehjen nga dosja të dokumenteve dhe deri vendime gjykatash nga prokurorët politike, etj. i keni tek postimi që kam kryer para dy ditësh.
shihni këtë vendimin nga Edi Rama. Paska ndryshuar 10 zona nga sportive në banimi brenda vitit 2006! BRENDA 1 VITI!
Imagjino që ka qenë 11 vjet kryetar bashkie Edi Rama. Në këtë vendim qenkan pikat h, i dhe j nga ndërrimet e destinacioneve!
Kemi dhjetëra argumente që çmontojnë lojrat politike të prokurorëve që i kanë detyruar të shërbejnë.
Discussion about this post