Koncerti i shumëpritur i Malumës në Tiranë ka sjellë një valë të madhe komentesh dhe reagime, kjo dhe për shkak të situatës aktuale në Shqipëri, pasi teksa në “Sheshin Nënë Tereza” ishin mbledhur qytetarët për të dëgjuar yllin e muzikës latine, pak metra më tutje ishin qytetarët e tjerë të cilët po protestonin kundër rritjes së çmimeve.
Një ndër temat më të diskutuara nga ardhja e këngëtarit ishte dhe pagesa që iu bë si dhe çmimi i biletës së paguar për të bërë një foto në prapaskenë.
Uarda Koçi , e cila është pjesë e agjencisë që merret me organizime eventesh dhe në këtë rast të Malumës, e ftuar në ‘Abc e Pasdites’, tregojë për koncertin.
Ajo tregoi se në koncert kanë marrë pjesë më shumë se 2 mijë persona, ndërsa mes tyre ka pasur edhe të ardhur nga rajoni për të ndjekur performancën “live” të Malumës.
Sakaq lidhur me pagesën e këngëtarit ajo tha se nuk është paguar nga bashkia por nga agjensia.
Koçi foli edhe për komentet se një foto me këngëtarin kushtonte 1 mijë euro, duke nënvizuar se këto bileta nuk shiteshin nga kompania shqiptare por nga vetë stafi i Malumës, duke i rezervuar në uebsajtin e tij. Një tjetër detaj që shkaktoi humor gjatë koncertit ishte momenti kur këngëtarin në skenë i hodhën një palë reçipeta. Gazetari Ermal Peçi e pyeti Koçi se çfarë u bë me to dhe se a i mori apo i la në skenë.
“Me siguri i ka marrë me vete se në skenë s’kishte gjë”, u shpreh ajo duke buzëqeshur.
Discussion about this post