Një pjesë e qytetarëve kanë zaptuar sheshin para kryeministrisë duke protestuar kundër rritjes së çmimeve e ndërsa një pjesë tjetër kanë “pushtuar” sheshin “Nënë Tereza” për të dëgjuar këngëtarin kolumbian, Malumën.
Një aktivist teksa mori fjalën u shpreh se Rama ka përgatitur një koncert me një këngëtar që shkon deri në 700 mijë euro.
Ai shtoi se kryeministri po kërcënon qytetarët me çmimin e energjisë elektrike, duke shtuar se Rama nuk e di me sa prodhohet energjia elektrike.
“Kanë nisur dhe kanë përgatitur një koncert me një këngëtar që shkon deri në 700 mijë euro. Ky është ai së bashku me Erion Veliajn. Ai do të këndojë ndërsa ne këndojmë himnin kombëtar. Sot e kemi me orë dhe nesër e kemi më tepër dhe do të qëndrojmë akoma më tepër derisa të iku. Sot ka dalë me një copë letër dhe kërcënon shqiptarët.
Edvin ti nuk e di me sa prodhohet energjia elektrike. Ti nuk e di se ato diga i ka ndërtuar ky popull, ndërsa ti ke vetëm ke vjedhur shqiptaret, ku një turbinë HEC-i punon për ty. Edvin, mos e krahaso me vendet që nuk prodhojnë energji elektrike.”
Discussion about this post