Einxhel Shkira dhe Dj Dagz janë një ndër çiftet më të pëlqyerit për publikun. Marrëdhënia e tyre duket se po shkon goxha mirë dhe gjërat janë bërë më tepër serioze se ç’prisnim.
Ditën e djeshme, mamaja e Dj Dagz ka festuar ditëlindjen e saj ku janë mbledhur e gjithë familja së bashku duke drekuar në një restorant në Dajt.
Motra e Dagzit, Aurora Gumnishta ka postuar në rrjetin e saj Instagram një foto ku ka uruar të ëmën e saj dhe video nga ambient i lokalit. Me sa duket, pjesë e tyre ishte dhe moderatorja dhe këtë gjë e bëri të ditur partneri i saj nëpërmjet një postimi në InstaStory.
Duket se përveç bekimit të babait të Einxhel i cili disa ditë më parë komentoi në foton e çiftit “Yjeee”, tashmë ata kanë marrë dhe miratimin e familjes së artistit.
Kujtojmë se, Einxhel ka shprehur dëshirën për të pasur një fëmijë me Dj Dagz. Sipas saj ajo tashmë ka kohën e duhur dhe nuk dëshiron që të gjithë energjinë e saj ta fokusoj vetëm tek karriera. Ajo shtoi se dhe Dagz dëshiron diçka të tillë dhe se do të jenë prindër shumë të hapur për fëmijën e tyre.
“Dua gjithë energjinë ta orientoj te një fëmijë, jo vetëm tek karriera. Është momenti i duhur mendoj. Edhe Dagz është në këtë etapë të jetës. Fëmija për ne nuk do të përbente një problem. Mendoj se do jemi prindër shumë të hapur me fëmijën tonë”.
Discussion about this post