Detaje të reja shokuese janë bërë publike mbi ngjarjen në Kamzës, ku dyshohet se babai ka abuzuar seksualisht me të bijën 6-vjeçare.
Prindërit e vajzës kishin vetëm dy muaj që kishin rinisur bashkëjetesën në Kamëz, pas divorcit të para gjashtë viteve, që përkon me kohën kur e mitura sapo kishte lindur.
E mitura është paraqitur në spitalin e Traumës më 28 tetor në orën 19:00, në gjendje të rënduar nga dhuna fizike, por më tej bluzat e bardha hodhën dyshime se dhuna nuk ishte i vetmi abuzim me të cilin 6-vjeçarja ishte përballur.Pas këtyre dyshimeve mjekët kontaktuan policinë në mënyrë që çështja të hetohej.
Sipas hetimeve, deri tani është bërë me dije se dyshohet se dhuna fizike është ushtruar me thupër, e madje të tilla skena nuk i kanë shpëtuar as syrit të të ëmës së vajzës.Në deklaratat e saj kjo e fundit shprehet se kjo vinte si pasojë e mungesës së vajzës në jetën e tij për shumë vite dhe e kishte marrë malli për të.
Drama e të miturës i është bërë e qartë nënës duke i kërkuar disa herë në telefon kur ajo ishte në punë, që të mos e linte vetëm me babin e saj.
Traumat e kësaj situata kanë sjelle që e mitura të shfaqi probleme shëndetësore dhe psikologjike në shkollë.
Përballë këtyre detajeve shokuese, Prokuroria ka urdhëruar ekspertim të shëndetit mendor të prindërve të vajzës, për të parë nësë janë përdorues të lëndëve narkotike.
Vajza ka përfunduar ekspertizën në maternitet, e cila pritet të bëhët me dije të martën për të mësuar nëse babi ka kryer marrëdhënie seksuale me vajzën apo jo.Po në këtë ditë, babai i 6-vjeçares do të dalë para trupës gjykuese të Gjykatës së Tiranës, ku do t’i komunikohet masa e sigurisë.
