Klubet më të mëdha në botë, ato të Manchester City dhe PSG duket se nuk njohin krizë ekonomike, dhe madje më të mirët e Premier Ligës angleze duket se po përgatisin një ofertë për kapitenin e Kombëtares Angleze, Harry Kane.
Ditë më parë thuhej se City i Guardiolës është tërhequr nga gara për shërbimet e Harry Kane, por raportimet e Fabrizio Romano flasin ndryshe.
City thuhet se janë duke përgatitur ofertë 150 milion euro për Kane.
Tottenham nuk kanë pranuar akoma ofertën zyrtare për Kane, madje janë shprehur edhe se duan ta mbajnë në skuadër.
Duket se strategjia e City është të presin momentin kur Spurs do të hapin dyert për negociata dhe ta nisin këtë mega-ofertë që kanë gati.
