Rei Manaj ka bërë ëndrrën e tij realitet, duke luajtur ndeshjen e parë në radhët e ekipit A të Barcelonës. Sulmuesi i përfaqësueses shqiptare, i cili në fakt po përgatitet t’i japë lamtumirën katalanasve, sot ka patur mundësisnë të shkruajë emrin e tij mes futbollistëve që kanë shkelur në fushë me skuadrën e parë të katalanasve.
Në ndeshjen ndaj Gimnastik te Tarragonës, trajneri Ronald Kuman vendosi që të afronte me ekipin e parë edhe sulmuesin shqiptar. Pas pjesës së parë, të mbyllur 0-0, ai vendosi që të ndryshonte të gjithë 11-shen e skuadrës së tij dhe që nga minuta e parë në fushë në fraksionin e dytë të lojës hyri edhe Rei Manaj.
Një ëndërr që bëhet realitet për sulmuesin, edhe pse bëhet fjalë për një miqësore, e sigurisht edhe një ditë historike për futbollin e vendit tonë, pasi Manaj u bë futbollisti i parë shqiptar që vesh fanellën e gjigandëve katalanas.
