Vlora nuk ofron vetëm bregdetin e mrekullueshëm për turistët vendas apo ato të huaj.
Manastiri i Zvërnecit është një nga vendet tashmë të njohura.
Kisha e Shën Mërisë në Manastirin e Zvërnecit thuhet se është ndërtuar në shekullin e 13 , 14.
Ndërkohë gojëdhënat flasin se është ndërtuar në shekullin e 10. Kisha është në një vend i shenjtë, por edhe një objekt kulturor për tu vizituar.
Prifti tregon më shumë për historinë dhe ndërtimin e kësaj kishe.
“Primare është ana shpirtërore. Njerëzit vijnë për të pushuar, për të ndezur një qiri dhe për tu lutur. Tek kisha është kohët e fundit është bërë një restaurim, gurët u pastruan dhe u lyen përsëri”, thotë ai.
Një festë e përvitshme dedikuar figurës engjëllore të Shën Mërisë është edhe ajo që fillon drekën e 13 gushtit dhe kulmon në datën 15 gusht.
“Kjo ka emrin fjetja e Shën Mërisë që festohet me 15 gusht. Të gjitha kishat kanë një emër që festojnë dhe këtu është caktuar ky emër, në përkujtim të fjetjes së Shën Mërisë. Nuk përmendim vdekje, por përmendim fjetje”, thotë më tej ai.
Vizitorët pasi pushojnë në plazhet e zonës, zgjedhin të kalojnë edhe tek ky Manastir.
“Vij për herë të parë është shumë qetë dhe bukur. Ne kemi shumë vende të bukura të cilat nuk i kemi vizituar akoma”, thotë një vizitore.
Manastiri dhe kisha e Shën Mërisë është ndërtuar në një truall piktoresk në ishullin e Zvërnecit, buzë lagunës së Nartës.
Kjo e bën atë një atraksion për të gjithë turistet vendas e të huaj që vizitojnë qytetin e Vlorës./abcnews.al
