Ministrja Ogerta Manastirliu këtë të premte ka vizituar një ndër qendrat e vaksinimit të ngritur në universitete, për të ardhur në ndihmë të gjithë arsimtarëve dhe studentëve që të vaksinohen sa më shpejt.
Ministrja Ogerta Manastirliu ka apeluar sërish për mësuesit, pedagogët dhe studentët të vaksinohen sa më parë, duke bërë me dije se nga dita e hënë, do të hyjë në fuqi udhëzimi për detyrimin e paraqitjes së çertifikatës së vaksinimit ose testit të përjavshëm, ndërsa universitetet do të organizojnë mësimin online për studentët që nuk janë vaksinuar.
