Ministrja e Shëndetësisë, Ogerta Manastirliu ka dhënë detaje në lidhje me vaksinimin e fëmijëve kundër koronavirusit.
Nëpërmjet një statusi në “Facebook”, Manastirliu thotë se kategoritë e fëmijëve që duhet të vaksinohen janë grupmosha 12-15 vjeç me sëmundje kronike të përcaktuara, si edhe të gjithë fëmijët 16-18 vjeç.
Ministrja apelon se vaksinimi duhet të kryhet sa më shpejt dhe realizohet në çdo qendër shëndetësore apo pikë vaksinimi.
Vaksinimi kryhet me kartë identiteti, ndërsa fëmijët nën 18-vjeç duhet të paraqiten me prindin apo kujdestarin e tyre, i cili aprovon kryerjen e vaksinës.
Sakaq për fëmijët deri në 18-vjeç, aplikohet vaksina Pfizer, sipas rekomandimeve të organizmave ndërkombëtare FDA dhe EMA.
Discussion about this post