Ministrja e Shëndetësisë Ogerta Manastirliu ka deklaruar pas mbledhjes së qeverisë se Ministria që ajo drejton do të fillojë një program për depistimin e fëmijëve sa i përket shikimit. Sipas ministres, janë rreth 270 mijë fëmijë nga klasat e para deri në gjimnaz që do të kontrollohen në lidhje me shikimin.
“Rreth 270 mijë fëmijë nga klasat e para deri në gjimnaz që do të depistohen në lidhje me shikimin. Duam të shmangim problematikat e thella në shikim. Ky program synon të ketë fokusin tek parandalimi, edukimi dhe ky do të jetë programi i integruar në shkollë. Do jap një informacion për familjet që i përkasin Këshillimi Kombëtar”, tha ministrja.
Manastirliu tha se fëmijët që do të hasen me problem me shikimin do të adresohen te mjekët përkatës për të korrigjuar problematikat, në mënyrë që të shmanget përkeqësimi i situatës apo humbja e shikimit për të vegjlit.
Discussion about this post