Këshilli i Ministrave ka miratuar në mbledhjen e fundit një plan kombëtar 7-vjeçar në mbështetje të personave LGBTI+. Lajmi është bërë i ditur nga ministrja e Shëndetësisë, Ogerta Manastirliu, e cila tha se plani i kësaj strategjie është të reduktojë diskriminimin ndaj kësaj kategorie.
Manastirliu tha se po punohet që të garantohet akses për këta persona në të gjitha shërbimet publike. “Është miratuar plani kombëtar i veprimit për mbështetjen e personave LGBTI+, i hartuar në bashkëpunim të ngushtë me të gjithë aktorët e shoqërisë civile. Ky është një plan veprimi 7-vjeçar, 2021-2027, i cili e vendos theksin te lufta kundër diskriminimit dhe që garanton aksesin e personave LGBTI+ në të gjitha shërbimet publike. Kjo do të bëhet e mundur në sajë të një buxheti specifik të vendosur nga qeveria shqiptare, por edhe në mbështetje me partnerët ndërkombëtarë”, tha Manastirliu, ndërsa tha se strategjia përmban e të drejta të tjera që duhen garantuar për këtë kategori.
Discussion about this post