‘Manastirliu në krye të Arsimit, thirrje rinisë që të ikë’

Deputetja e PD Ina Zhupa me anë të një postimi në rrjetet sociale shprehet se Edi Rama ka emëruar në krye të Ministrisë së Arsimit Ogerta Manastirliun, që sipas saj, ka shkatërruar shëndetësinë në vend.

Zhupa thekson se me këtë emërim, Rama po i bën thirrje rinisë, që të largohet nga vendi.

Postimi i Ina Zhupës:

Ogerta Manastirliu në krye të arsimit, është thirrja e Ramës për të rinjtë për tu larguar nga vendi!

Ogerta që shkatërroi shëndetësinë, i jepet të drejtoj fatet e fëmijëve dhe të rinjve shqiptar. Vendimarrja e fundit që siglonte si ministre për propozime në kuvend ishte legalizimi i kanabisit. A e mendonte si nevojë për rininë shqiptare?

Ogerta që në krye të shëndetsisë arriti:

– Të abuzonin me paratë e shtëpive të fëmijëve

– Të mungonin ilacet për fëmijët në pediatri

– Të mos kryenin ekzaminimet e duhura pacietët

– Të mos funksiononin pajisjet

– Të mos kryheshin analizat e duhura për pacientët

– Të pushonte mjek të kualifikuar edhe të vendoste që i duheshin studentët që të kishte mjek me detyrim

– Të shkatërroi ambulancat, duke i kthyer mjekët në kodist të sistemeve kompjuterike

– Të keqmenaxhonte emergjencën covid

– Të zhdukte fondet me tendera sekret

– Të manipulonte shifrat e jetëve të humbura

Vetëm ky “ndryshim” mjafton për të kuptuar sec të mirë për qeverisjen sjellin këto vendime krej personale të Ramës.