Manastirliu, pazare me Sokol Topçiun/ 50 mln lekë pajisje mjekësore

Pazaret e Sokol Topçiut me Ministrinë e Shëndetësisë sa vijnë dhe marrin përmasa më të mëdha, por sërish të padukshme për syrin e drejtësisë. Madje, tashmë e dimë që mes tyre ka miqësi të fortë dhe pazaret me fondet tona iu ecin mirë. Këtë herë, Manastirliu ka filluar të zgjidh qesen e fondeve të këtij viti pikërisht për Topçiun.

Sepse tenderi me objekt “Blerje pajisje stomatologjike për njësitë shpenzuese të Universitetit të Mjekësisë, Tiranë”, është projekti i parë i firmosur nga Shëndetësia për këtë vit. Në lojë janë 50 milionë lekë që do t’i marrë Topçiu, si fituesi i këtij tenderi.

Në dokumente vihet re se  ai e ka marrë projektin në shkelje të ligjit. Sepse për këtë tender nuk është zhvilluar një garë. Ministria e Shëndetësisë e ka hapur prokurimin, por vetëm “Farma Net Albania” sh.p.k ka paraqitur ofertë. Dhe duke qenë se Manastirliut i pëlqen t’i shmangë rregullat ligjore, pa u menduar gjatë, ka shpallur fitues Sokol Topçiun.

“Farma Net Albania” është një firmë që vazhdon abuzimet përmes ilaçeve që i shet me çmime shumë më ta lartë se tregu, por shpesh herë të pakontrolluara dhe me rrezik për qytetarët. Këto janë fakte të publikuar edhe më parë, por nuk i bëjnë përshtypje Manastirliut.

Vlen të përmendet se studentët e Mjekësisë nuk kanë laboratorë të posaçëm. Ata i bëjnë praktikat në spitale, madje ndodh që edhe nuk bëjnë praktikë fare.

Atëherë çfarë do të bëjë Manastirliu me këto para?!

Epo nuk është çudi! Ajo njihet tashmë si kampione për tenderër me “Flamur të Kuq” (me shkelje). Një pjesë e mirë e tyre i janë dhënë edhe Sokol Topçiut. Nga të dhënat e grumbulluara tregohet se në dy vitet e fundit kjo firmë ka marrë rreth 9 miliardë lekë tenderë, vetëm nga Ministria e Shëndetësisë.

Aty evidentohet se në këtë muaj të parë të vitit ka firmosur tre kontrata tjera me Manastirliun, të cilat kapin shifrën 20 milionë lekë. Në tri javë 3 tenderë, imagjino çdo bëj dyshja Topçiu- Manastirliu deri në fund të vitit.

Lexo edhe: Fobi nga gjarpërinjtë apo korrupsion/ Manastirliu blen nga Topçiu 320 milionë lekë anti-helm