Ministrja e Shëndetësisë Ogerta Manastirliu ka njoftuar sot vendimet e qeverisë për ndihmën e familjeve në nevojë. Ajo që bie në sy është se, ministrja deklaroi se, programi i ndihmës ekonomike do të ketë një rritje të masës 10% për të gjitha familjet përfituese. Në të vërtet kjo është propagandë sepse i bie që këtyre familjeve t’u shtohen vetëm10 mijë lekë të vjetra në pagesën që marrin. Një familje në nevojë në Shqipëri merr minimalisht 10 mijë lekë të reja, ose 100 mijë lekë të vjetra. Sipas përllogaritjeve 10% i 100 mijë lekëshit i bie 10 mijë lekë të vjetra.
Pra vetëm mundësinë për të blerë një bukë do i rrisë qeveria këtyre familjeve. Ndër të tjera, ajo tregoi se familjet me fëmijë mbi 3 fëmijë do të kenë rritje në masën 2 herë, pra nga 300 mije lekë për secilin do marrin 600 mijë lekë për çdo njërin prej tyre. Ndërsa për fëmijët që mbajnë statusin e jetimit, Manastirliu do marrin pagesë dy herë më të lartë se aktualja. Gjithashtu, gratë e trafikuara dhe të dhunuara do të kenë rritje të masës ekonomike tre herë.
Manastirliu tha se, për shtresat që mbrohen me subvencione të energjisë elektrike, 45 milionë dollarë do të vazhdojë. Ky vendim ishte më e pakta që mund të bënte qeveria për aq kohë sa paralajmëron rritje të çmimit të energjisë.
Ndërsa tregoi se në 2022 do të ketë rritje të pagave me 6% për personelin mjekësor.
