LaLiga është hedhur në sulm ndaj parregullsive financiare të klubeve të mëdha në Evropë. Presidenti Javier Tebas ka denoncuar PSG-në, por përpos klubit parisien, ai ka denoncuar edhe dy klube të tjera.
AS ka mësuar se janë denoncuar po ashtu edhe Manchester City e Juventusi. Objektivi është që të mbrohen klubet spanjolle dhe evropiane nga konkurrimi në kushte inferiore kundër klubeve të tjera që pretendohet se bëjnë shkelje.
City dhe PSG janë denoncuar sepse konsiderohen si klub-shtete dhe nuk respektojnë rregullat e “Fair-Play”-it financiar të UEFA-s.
Në rastin e Juventusit, klubi i tretë i denoncuar nga LaLiga në UEFA, është për shkak të hetimit që filloi nëntorin e kaluar në Itali për “fryrjet” fiktive të shitjeve. LaLiga kërkon që skandalin e plusvalencave ta hetojë edhe UEFA.
Discussion about this post