Në mbrëmjen gala të Topit të Artë, pak para se t’i jepej çmimi Karim Benzemasë, trofeu për klubin më të mirë në botë gjatë sezonin ‘21-’22 shkoi për Manchester City-n. Kur të gjithë prisnin që të dëgjohej emri i Realit të Madridit (kampion i Championsit dhe La Ligës), “France Football” befasoi duke dekoruar Manchester City-n, fituesin e Premier League-s… i eliminuar nga “Los Blancos” në gjysmëfinale të Championsit.
Tifozët e Realit nuk hezituan të kritikojnë në rrjetet sociale fakti që çmimi iu dha City-t… dhe një postim i klubit mbretëror e ndezi shpirtin e tyre.
Një “cicërimë” e thjeshtë. Dy sy, duke parë. Nuk u desh shumë dhe ajo u bë menjëherë virale dhe të gjitha komentet ishin të njëjta. Madridi u befasua me vendin e tretë në renditjen e klubit më të mirë të sezonit. I dyti ishte Liverpooli, i cili u mposht në finale pikërisht përballë Realit.
Discussion about this post