Manchester City mund të përballet me masa disiplinore edhe nga UEFA pas zhvillimeve të fundit në Premier League.
Sipas raportimeve të “Sky Sports”, UEFA po e monitoron nga afër situatën dhe po shqyrton hapat e mundshëm ndaj klubit anglez.
Megjithatë, institucioni evropian ende nuk ka marrë një vendim përfundimtar.
UEFA pritet të presë përfundimin e plotë të procesit disiplinor në Premier League, përfshirë edhe procedurat e apelimit. Vetëm pas përfundimit të këtij procesi, UEFA do të vendosë nëse do të ndërmarrë ndonjë veprim ndaj Manchester Cityt. Kjo do të thotë se, të paktën për momentin, klubi kampion i Anglisë nuk është përballur me ndonjë sanksion nga UEFA. Megjithatë, zhvillimet e fundit kanë ngritur pikëpyetje për të ardhmen e Cityt edhe në arenën evropiane.
Në rast se UEFA vendos të hapë procedurë apo të marrë masa, klubi mund të përballet me pasoja të rëndësishme.
Manchester City prej vitesh është një nga klubet kryesore të futbollit evropian dhe çdo vendim ndaj tij do të kishte jehonë të madhe.
Tashmë, vëmendja është te përfundimi i procesit në Angli dhe vendimi që mund të merret më pas nga UEFA.
Për momentin, gjithçka mbetet në pritje dhe asnjë masë konkrete nga UEFA nuk është konfirmuar.
Discussion about this post