Manchester City ka marrë sot një fitore bindëse si ato të kohëve të vjetra. “Qytetarët” shënuan 6 gola në Ipswich, duke korrur një fitore të thellë.
Goli i parë u shënua nga Phil Foden në minutën e 27′, pas asistit të Kevin De Bruyne. Tre minuta më pas ishte radha e Foden për të asistuar për Mateo Kovacic, kroati shënon golin e dytë pas një goditjeje të bukur jashtë zonës së rreptësisë.
Në minutën e 42′ ishte sërish Foden që dërgon topin në rrjetë pas kombinimit të bukur Doku-De Bruyne dhe aksioni finalizohet në mënyrë perfekte nga anglezi. Pjesa e parë mbyllet 0-3.
Në fillim të pjesës së dytë ishte Doku që konkretizoi në mënyrën e duhur një aksion personal duke shënuar golin e katërt për City-n. Nuk kishte si të mungonte pa shënuar Erlin Haaland, i cili nënshkroi një kontratë për 10 vite me “Qytetarët” gjatë javës që po lëmë pas, duke u bërë futbollisti më i paguar në ligë. Norvgjezi shënoi golin e pestë për City-n, pas asistit të Doku. Belgu ishte në super formë sot dhe ka zhvilluar një ndeshje të jashtëzakonshme.
Në minutën e 68′ ishte djaloshi i ri James McAtee, i cili dërgoi topin me kokë në rrjetë pas një asisti shumë të bukur të Kovacic. Me këtë fitore, City renditet në vendin e katërt me 38 pikë, 12 pikë larg Liverpool, që renditet i pari.
GOLAT IPSWICH-MANCHESTER CITY 0-6
Discussion about this post