Mateo Kovacic është zyrtarisht lojtar i Manchester City-t. Klubi kampion i Premier League-s ka shpërndarë më në fund komunikatën zyrtare për blerjen e kroatit, që konsiderohet një përforcim luksi për trajnerin Pep Guardiola.
Kovacic ka nënshkruar për pesë sezone me Manchester City-n. Sipas burimeve jozyrtare, City do të shpenzojë rreth 30 milionë stërlina mes shifrës bazë dhe bonuseve për lojtarit e përfaqësueses kroate, që mbronte ngjyrat e Chelsea-s.
“Kjo është një lëvizje e shkëlqyer për mua dhe mezi pres të filloj stërvitjen me City-n”, tha Kovacic për faqen e klubit të ri.
“Kushdo që e ka parë këtë skuadër të Pepit e di se sa e mirë është. Për mua, janë më të mirët në botë, ekipi më i mirë i futbollit që ekziston. Është ëndërr për çdo futbollist të luajë në këtë ekip”, deklaroi , më tej Kovacic.
Disa orë pas largimit të Gundogan drejt Barcelonës, City ka reaguar me njoftimin për blerjen e Kovacicit. Kroati është ndoshta futbollisti më me fat në karrierë, pasi ka luajtur dhe ka fituar gjithçka me ekipe të tilla si: Dinamo Zagreb, Inter, Real Madrid, Chelsea… dhe tani City.
Discussion about this post