Mançester Junajtid ka triumfuar sot në ndeshjen e vetme të programuar për “Boxing Day”, ditën pas Krishtlindjeve, duke mposhtur me shifrat 1-0 Njukasëllin në “Old Traford”.
Skuadra e drejtuar nga Ruben Amorim, ka zgjidhur ndeshjen në pjesën e parë falë një goli spektakolar të Patrik Dorgu, i cili shënoi me një gjuajtje fluturimthi pas zhvillimit të një goditje këndi kur regjistrohej minuta e 24-t e duelit.
SHIH VIDEON
Një gol me vlerë tre pikësh që janë shumë të rëndësishme për Mançester Junajtid, pasi e ngjitën në kuotën e 29 të tillave, përkrah Çelsit të vendit të katërt, që të siguron praninë në Ligën e Kampioneve dhe që është objektivi i vërtetë i kësaj skuadre.
Ndërsa Njukasëll gjendet shumë larg kësaj zone, në kuotën e 23 pikëve, në një sezon që duket se nuk po sjell rezultatet e shpresuara nga klubi.
gijotina.com/
Discussion about this post