Ish-trajneri i Italisë, Roberto Mancini ka debutuar me humbje në stolin e Kombëtares Saudite, duke e nisur në mënyrë të hidhur, aventurën e tij në Lindjen e Mesme.
Calvo, Ugalde dhe Leal i japin fitoren Kosta Rikës: zhgënjimi i parë për Mancinin në krye të Arabisë Saudite.
Roberto Mancini u betua se shkoi në Arabinë Saudite për të “shkruar historinë”. Por ndërkohë rruga e tij në krye të kombëtares vendase rrezikon të jetë e ndërlikuar dhe me pengesa, siç nënvizohet nga debutimi i tij shumë i hidhur kundër Kosta Rikës.
Në St. James Park të Njukasëllit, Kosta Rika kaloi në epërsi në minutën e 12-të me goditjen me kokë të Calvo nga gjuajtja e lirë. Ugalde gjithashtu dyfishoi epërsinë në minutën e 32-të. Dhe gjithmonë me kokë, në pjesën e dytë, pikë saudite me Al Bulayhi.
Në finale ishte Leal, i cili hyri në lojë rreth njëzet minuta më parë në vend të Bennette, i cili vulosi rezultatin përfundimtar dhe i dorëzoi fitoren kombëtares së drejtuar nga argjentinasi Vivas.
نهاية المباراة |
🇸🇦 السعودية 1 – 3 كوستاريكا 🇨🇷 #السعودية_كوستاريكا pic.twitter.com/yQb98BDkaA— المنتخب السعودي (@SaudiNT) September 8, 2023
Ndërkohë që për Mancinin, kjo ishte humbja e parë, në drejtimin e Arabisë saudite, për “jeshilët”, kjo ishte disfata e pestë radhazi, me 4 humbjet e tjera që janë regjistruar kundër Irakut, Omanit, Venezuelës edhe Bolivisë.
Sfida e radhës për “sheikët”, do të jetë, më 12 shtator, kundër Koresë së Jugut, po në Njukasëll.
Discussion about this post