Italia u mposht me rezultatin 2-1 nga Spanja në gjysmëfinalen e Ligës së Kombeve, teksa iberikët, falë këtij triumfi arritën të siguronin një biletë për finalen e madhe ndaj Kroacisë.
Pas ndeshjes foli edhe trajneri italian Roberto Mancini, i cili e pranoi se ekipi i tij nuk ishte në lartësinë e duhur dhe për këtë kishte edhe ai përgjegjësi pasi duhej të ndryshonte diçka në fushë. Ai e vlerësoi lojën e spanjollëve të cilët, sipas tij, e merituan fitoren.
“Në fund ata e merituan të fitonin, edhe pse e gjetën golin në fund. Nuk ishte ndeshja që donim të luanim, ne bëmë pak në pjesën e dytë. Djemtë bënë gjithçka që mundën. Ndoshta na penalizoi fakti që luajtëm një lojë taktikisht ndryshe nga zakonisht.
Duhej të luanim më mirë, kjo është e sigurt. Ne e kishim vendosur ndeshjen në një mënyrë të caktuar, por ndoshta ky nuk është futbolli ynë. Shkoi mirë pjesa e parë, në pjesën e dytë ne ramë shumë poshtë dhe nuk ishim ne. Ndoshta duhej të bëja diçka, të ndryshoja diçka.
Spanja është një ekip i fortë, edhe kur ata ndryshojnë lojtarë. Ne krijuam një futboll disa vite më parë dhe ndoshta duhet të vazhdojmë me këtë, ne e vendosëm kështu duke menduar se mund të bëjmë diçka më mirë. Mendoj sa ka pasur një gjykim të gabuar nga ana ime për formë”, është shprehur trajneri i kombëtares italiane, Mancini.
Discussion about this post