Mancini godet përsëri, një tjetër latin për Kombëtaren italiane

Pas Mateo Reteguit, Roberto Mancini është ende duke peshkuar në Amerikën e Jugut në funksion të Ligës së Kombeve.

Në fakt, me rastin e ndeshjeve të Final Four të planifikuar në Holandë nga data 15 (gjysmëfinale me Spanjën) dhe 18 qershor, trajneri i Italisë ka thirrur Lucas Piton, i cili ka nënshtetësi italiane që nga viti 2021.

I lindur në vitin 2000, mbrojtës i majtë, luan për Vasco de Gama që nga vera e kaluar. Ka qenë vetë klubi brazilian që ka shpallur thirrjen: “Lucas Piton është thirrur nga kombëtarja italiane për final four të Ligës së Kombeve të UEFA-s në Holandë”.