Gara për kreun e ri të Prokurorisë së Posaçme pritet që të hapet ditën e sotme. Mësohet se mbledhja do të nisë në orën 10:00. Pika e parë e rendit të ditës pas miratimir të procesverbalit të mbledhjes është pikërisht shpallja e vendit vakant për drejtues së SPAK.
Altin Dumani është drejtuesi i dytë i SPAK-ut që nga krijimi i institucionit, pas Arben Krajës. Ai do të vijojë të jetë prokuror pranë kësaj strukture edhe pas përfundimit të mandatit të tij si drejtues. Mandati i prokurorëve të SPAK-ut është 9-vjeçar.
Zgjedhja e kreut të ri të SPAK do të ketë edhe vëmendjen e SHBA.
Vetem pak ditë me parë e ngarkuara me punë e SHBA në Tiranë, Nancy VanHorn, tha se “Procesi i përzgjedhjes së pasardhësit së Dumanit duhet të jetë i paanshëm, transparent dhe i lirë nga çdo ndikim i jashtëm dhe se partnerët ndërkombëtarë do ta ndjekin nga afër këtë proces, sepse janë të interesuar që Shqipëria të vazhdojë luftën kundër korrupsionit dhe krimit të organizuar”.
Discussion about this post