Fati i ministres së Jashtme, Olta Xhaçka mbetet ende në pikëpyetje pas kërkesës së opozitës për shkarkimin e saj. Kryetarja e Kuvendit, Lindita Nikolla do të mbledhë të premten në orën 13:00, Këshillin e Rregullores dhe mandateve për të diskutuar për mandatin e Olta Xhaçkës. Mësohet se po ashtu, e pranishme në mbledhje do të jetë vetë ministrja e Jashtme, Olta Xhaçka.
Kujtojmë që 14 deputetë të PD-së kanë kërkuar dërgimin në Gjykatën Kushtetuese të mandatit të deputetes Olta Xhaçka për shkak se sipas tyre ajo ka përfituar nëpërmjet bashkëshortit të saj, statusin e investitorit strategjik duke marrë në përdorim pasuri publike.
Discussion about this post