Kreu i grupit parlamentar të PS-së, Bledi Çuçi, në përfundim të sesionit, ka bërë një përmbledhje për punët kryesore të realizuara.
Ndër të tjera, Çuçi ka sqaruar pse mazhoranca nuk po çon në Gjykatën Kushtetuese mandatin e Olta Xhaçkës.
Sipas tij, kushtetuta e thotë e qartë se nuk mund të imponohet vullneti i deputetit për të votuar, madje thekson se nuk mban as përgjegjësi për votimin.
Mazhoranca, tha Çuçi, gjykon se Gjykata Kushtetuese ka tentuar të krijojë një normë të re kushtetuese, gjë që nuk i lejohet. Ai thekson se dy vendimet qe janë shfuqizuar nga Gjykata Kushtetuese edhe Kuvendi i ka zbatuar.
Ai shtoi se do t’i drejtohen Komisionit të Venecias për të marrë një opinion për këtë rast.
“Çështja e raportit të Parlamentit me gjykatën Kushtetuese mendoj që është një raport që e përcakton qartë. Që të shfuqizojë çdo vendim, akt të marrë nga Kuvendi nëse ajo e gjykon që është në kundërshtim me Kushtetutën. Është ajo interpretimi i fundit i Kushtetutës së Shqipërisë. Ka pasur një vendim të gjykatës që ka shfuqizuar dy Kuvende.
Në rastin konkret është krijuar një paqartësi në lidhje faktin nëse do duhet që një deputet apo të gjithë deputetë duhet të votojnë apo jo. Ky është një debat që s’ka gjetur trajtim nga Kushtetuesja, Kushtetuesja në gjykimin tonë ka tentuar të krijojë një normë të re, gjë që nuk ia lejon Kushtetuta. Gjykata verifikon normat ekzistuese nëse janë në përputhje apo jo.
Kushtetuta thotë që deputeti nuk mban as përgjegjësi për votën e tij. E thotë neni 73, pra deputeti nuk mban përgjegjësi për votën.
I vetmi moment kur kushtetuta e detyron parlamentin të votojë në një mënyrë të caktuar, është kur i jepet e drejta opozitës për të ngritur Komisionet Hetimore. Është edhe një moment tjetër kur pas disa mbledhjeve për shortet, deputeti është i detyruar të votojë. Këto janë dy momentet.
Nëse ka një debat për këtë a është e drejtë kjo që them unë apo jo, ne kemi vendosur që ta zgjidhim këtë ngërç me Gjykatën Kushtetuese që t’i kërkojmë një opinion komisionit të Venecias. Në këtë ngërç do duhet të kemi një interpretim te komisioni i Venecias. Kushtetuesja e ka pasur hapësirën për ta adresuar interesin publik nëse duhet ta mbajë deputetin Xhaçka apo jo. Ne duhet të marrim një opinion, pasi ka një konflikt kushtetues në këtë pikë”, tha ai.
Lexo edhe:
PS kundër Kushtetueses për mandatin e Xhaçkës, Bardhi: SPAK të marrë masa për Ramën dhe Çuçin
Discussion about this post