Deputeti i Partisë Demokratike, Gazmend Bardhi kë dhënë një deklaratë për mediat nga selia e Kuvendit pas përfundimit të mbledhjes së Këshillit të Mandateve, ku ishte përcaktuar një seancë dëgjimore me ministren e jashtme Olta Xhaçka. Bardhi deklaroi se drejtuesit e seancës po e tejkalonin cështjen për mandatin e ministres dhe lidhjet e bashkëshortit të saj si biznesmen, përfitimet që merr ai. Sakaq ai tha se kjo çështje duhet dërguar në Gjykatën Kushtetuese.
“Përsëris familjes së ministres i kanë lejuar të përdorë vijën bregdetare në kundërshtime ligjin. E ka dëgjuar ministren të thotë se bashkëshorti i saj është biznesmen, por e drejta e bashkëshorti për të ushtruar biznes sjell kufizim të ministres Olta Xhaçka. Ministri në mënyrë aktive nuk mund të zotërojë aksione apo pjesë kapitali pavarësisht nga fusha…Në rastin konkret ka aplikuar për të marrë statusin e investitorit strategjik dhe ka përfituar edhe nga reduktimi i TVSH. E kemi thënë sot një qytetar kur blen një bukë paguan 20 % tvsh, ndërsa ministrja që përdor pronë publike në bregdet do paguajë TVSH në masën 5 %. Këto janë në kundërshtim me kushtetutën. Kjo çështje të dërgohet në Gjykatën Kushtetuese, nëse është respektuar Kushtetuta dhe ligjin çfarë frike ka Edi Rama dhe Olta Xhaçka. Vetëm dikush që ka shkelur ligjin mund të ketë frikë…I kërkoj kryetares së Kuvendit të respektojë Kushtetutën dhe rregulloren e vendit”, tha ai. Bardhi këmbëngul që Xhaçka duhet të japi llogari për ato që i kërkohet.
Discussion about this post