Ambasadorja e SHBA në vendin tonë Yuri Kim u takua me ministrin e Drejtësisë Ulsi Manja. Në fokus të bisedimeve ishte progresi në zbatimin e Reformës në Drejtësi. Detajet i ka zbardhur ambasada amerikane me anë të një reagimi.
Postimi i plotë:
Ambasadorja Yuri Kim u takua dje me Ministrin e Drejtësisë Ulsi Manja për të shqyrtuar progresin në zbatimin e reformës në drejtësi dhe rëndësinë e saj për aspiratat e Shqipërisë për integrimin në BE. Ambasadorja theksoi sërish që Presidenti Biden në qershor 2021 e identifikoi luftën kundër korrupsionit si një interes thelbësor të sigurisë kombëtare, sepse kërcënon sigurinë, barazinë ekonomike, progresin dhe demokracinë. Takimi i paraprin pjesëmarrjes së Ministrit Manja në Konferencën e Njezetë Ndërkombëtare Kundër Korrupsionit (IACC) në Uashington, DC, 6-10 dhjetor.
Discussion about this post