I ftuar në emisionin “A Show” për të komentuar gjendjen politike dhe ekonomike me të cilën do të përballen shqiptarët në 2024 ishte Ylli Manjani, ish-ministër dhe avokat.
Manjani është shprehur se përpara kemi një vit të vështirë ekonomik dhe politik ku e gjitha vjen si pasojë e një qeverie jo të përgjegjshme për popullsinë e saj.
“Përballë do të kemi në vit të vështirë ekonomik dhe politik dhe e vetmja shpresë që kam është arritja e një mendimi të përbashkët se kemi nevojë për diçka tjetër ky vend.
Duhet të flasim për familjet që i kremi rrugëve, duhet të flasim për fëmijët që i kemi rrugëve duhet të flasim për gjera konkrete reale dhe si ka mundësi që shqiptari nuk ka para të paguaj faturat e dritave në një vend që kemi 260 ditë me diell. Këta të vjedhin dhe diellin.
Ka gjëra të thjeshta dhe konkrete që duhet të ndërtohet mbi një platformë dhe këta që kanë mbështetës është e pafalshme që nuk i trajtojnë këto tema.”
© SYRI.net
Discussion about this post