Ish-ministri i Drejtësisë, Ylli Manjani nëpërmjet një statusi në rrjetin e tij social ka kritikuar kryedemokratin Lulzim Basha lidhur me qëndrimin e tij ku thotë se po mundohet të ndalojë ish-kryeministrin Sali Berisha që të bunkerizojë partinë Demokratike.
Basha u shpreh se Berisha po mundohej të rikthehej në krye të PD për përfitime personale duke marrë shkas nga vendimi i SHBA, por Manjani tha se lidhur me këtë, i njëjti person Anthoni Blinken, vite më parë e kishte shpallur ish-kryeministrin kampion të anti-korrupsionit.
Në fund të postimit ai shkruan se ka filluar faza: amerikanllëk-maskarallëk.
“Nuk do të lejoj kurrë”- thotë Luli kur bie fjala pse nuk mbledh Kuvendin e partisë.
Luli vetë na ka mësuar me prova se sa herë betohet me fjalën “kurrë”, bën ekzakt të kundërtën.
Dmth do kalonin mbi trupin e Lulit nëse:
Fatmir Xhafa do bëhej ministër;
Do shembej Teatri Kombëtar;
Do shembeshin banesat e banorëve të unazës;
Do bëheshin zgjedhje lokale moniste… etj, etj…” – shkruan ndër të tjera Ylli Manjani.
Ish-ministri i drejtësisë Ylli Manjani është pozicionuar në krah të liderit historik të demokratëve Sali Berisha duke mbështetur nismën e tij me organizimin e foltoreve në të gjithë Shqipërinë. Në qëndrimet që ai mban, prej kohësh ka kritikuar kryetarin e PD-së Lulzim Basha.
